Trevor Zahra » Għall-kbar

Penumbra

admin — Wed, 01 Dec 2010 16:04:07 +0000

[-l-]Ġabra ta’ novelli li, għalkemm mimlijin b’waqtiet oskuri, xorta waħda huma mżewqa bl-umoriżmu ta’ Żahra, li joħroġ frisk u jiddi bid-dija.

Il-karattri, għalkemm moħbija ġo nofs dalma, jinħassu ħajjin daqs li kieku kienu fl-eqqel tax-xemx.

[-l-]A collection of stories which, though tinged with obscure moments, are nonetheless filled with Zahra’s typical humour. Though the characters move in shadows, they feel real and three-dimensional as if they were living in broad daylight.

Il-Ħajja Sigrieta tan-Nanna Genoveffa

Trevor — Tue, 28 Apr 2009 14:03:09 +0000

[-l-]Meta missierha sar jaf li bintu qed tiltaqa’ baxx baxx ma’ Zanzu ta’ Pietru tal-Landier, kien qajjem infern sħiħ. Mhux biss għax hi kien għad kellha 17-il sena waqt li hu kellu 31; mhux biss għax huma kienu tal-flus waqt Zanzu kien biċċa karpintier it-tarzna u jagħmilha ta’ waiter u ta’ kulma jiġi għal idejh; mhux biss għax waħda minn ħutu kienet seftura ma’ l-Ingliżi, imma fuq kollox, l-akbar oġġezzjoni tiegħu kien Kalċidon, in-nannu ta’ Zanzu, li għalkemm kien ilu aktar minn 20 sena mejjet, kien għadu magħruf mar-raħal bħala l-akbar sakranazz li qatt rat id-dinja … dak li kien kisser ras il-kelb fl-istatwa ta’ Santu Rokku tal-pjazza, tajjar il-beritta tas-Surġent Demicoli lejlet il-festa ta’ Santa Marija u li kien jaf jiġbed nifsijiet twal ’il ġewwa, iross żaqqu u jbosslok kemm-il bassa tikkommissjonalu.

Dan il-ktieb kien ippubblikat f’Mejju 2008.Minn dakinhar sa Diċembru 2009, inbiegħu ’l fuq minn 3,000 kopja … rata ta’ 5 kotba kuljum.Bla dubju ta’ xejn, għal pajjiż ċkejken bħal Malta, dan huwa rekord assolut u b’hekk IL-ĦAJJA SIGRIETA TAN-NANNA ĠENOVEFFA jista’ jitqies bħala l-bestseller tas-sena.Diġà qed tiġi stampata edizzjoni ġdida u aktar tard din is-sena, il-ktieb se jkun ippubblikat ukoll bl-Ingliż.

Dan il-ktieb ġie maqlub għall-Ingliż minn Rose Marie Caruana.

[-l-]

Grandma Genoveffa’s journal reveals her intimate adventures from childhood to adulthood, her sexual life
and escapades inspite to chaperones and hell fire.

Trevor Żahra’s number one best seller has now been translated into English by Rose Marie Caruana.

Il-Ġenn li Jżommni f’Sikti

Trevor — Tue, 28 Apr 2009 13:52:55 +0000

[-l-]Jgħidu li kienet xitwa qalilha dik tas-’47. Kien għamel ħafna maltemp u saħansitra niżlet il-borra u waqt li l-majjistra kienet qed taħsilni kienet faqqgħet sajjetta u mar id-dawl ta’ kullimkien. Kull meta z-zija Nena kienet issemmi dan l-episodju, kienet tikxef l-abjad t’għajnejha kollu qisha se tirrakkonta t-tmiem ta’ traġedja Griega. Qatt ma stajt nifhem għalfejn kienu għamlu dak l-għaġeb kollu. Forsi ħasbu li s-sajjetta kienet laqtet il-banju u li meta jiġi d-dawl se jsibu li għandhom f’idejhom tarbija mbaskta donnha statwa ta’ Pompej; jew forsi mmaġinaw li kont se negħrqilhom ġo sitt pulzieri ilma; jew inkella meta semgħuni nħanġar (għax ma naħsibx li bqajt lura) ħasbuni qed nibża’ mid-dlam. Insew li kont qattajt disa’ xhur sħaħ fid-dlam mingħajr l-iċken tgergira.

[-l-]Trevor Zahra writes about his childhood, his family and his career, while characters from his books sneak in
with their tongue in cheek comments and disagreements.

Sepja

Trevor — Tue, 28 Apr 2009 13:51:16 +0000

[-l-]Ġabra ta’ Novelli

Il-ħġieġ ta’ l-antiporta tan-nanna kien irrigat fit-tul.

Qabel ma nħabbat u niftaħ kont inħobb inkaħħal għajnejja miegħu u nittawwal ‘il ġewwa.

Is-sottospekkju ta’ l-intrata, il-gastri, il-ħnejja tat-taraġ … kollox kien jidher immewweġ u distort.

Anki n-nanna Ċens, bil-qiegħda faċċata u silwettata kontra d-dawl tal-bieb tal-bitħa, minn wara l-ħġieġ irrigat ta’ l-antiporta kienet tidher likwida bħar-riflessi f’wiċċ il-baħar u ma’ kull ċaqliqa tiegħi kienet titbandal u ċċafċaf, ankrata mal-mejda ta’ l-ikel ġol-menqa kennija tagħha bejn il-vetrina u s-sideboard. Imbagħad niftaħ l-antiporta u nsib ruħi ġo baħar ta’ stejjer!

[-l-]A Collection of Short Stories.

The book is divided into two sections. In the first part unfolds a family saga , presented through the perspective of a 10 year old; with cross references from one story to the other.

The second part offers various stories, some of which are experimental in style and technique.

Il-Kitba Kreattiva

Trevor — Tue, 28 Apr 2009 13:48:44 +0000

[-l-]Titwila lejn il-mekkaniżmi tal-kitba kreattiva u ideat siewja għal kulmin iħoss is-sejħa tal-kitba

[-l-]Useful tips and workshops about the Art of creative writing.

Mota F’ġieħ Kemm Hemm

Trevor — Tue, 28 Apr 2009 22:47:40 +0000

[-l-]Poeżiji satiriċi u umoristiċi dwar perijodi magħrufa mill-Istorja ta’ Malta.

Il-Bini ta’ Ħaġar Qim , L-Oraklu , Kajjus Verres, Il-Miġja ta’ San Pawl, Il-Konti Ruġġieru, Gonsalvo Monroy, Il-Kavallieri, Il-Franċiżi, Il-Gwerra…

Donnu ħadd ma jeħilsha

[-l-]Satirical and humorous poems on specific periods from Maltese history.

IL-KOTBA GHAT-TFAL

Trevor — Tue, 28 Apr 2009 13:46:29 +0000

[-l-]Trevor Zahra – Charles Briffa – Gorg Mallia

Il-Ktieb nru 34 mis-sensiela “Kullana Kulturuali”

Il-ktieb jaghti harsa lejn l-istorja tal-letteratura ghat-tfal f’pajjizna u barra, lejn l-illustrazzjonijiet fil-kotba ghat-tfal u janalizza l-istili diversi f’dan il-generu.

[-l-]Trevor Zahra – Charles Briffa – Gorg Mallia

Publication no. 34 in the series “Kullana Kulturuali”.

This book outlines the history of children’s books in Malta and abroad, analyses children’s book illustrations and the diversity of styles within this genre.

PROVENZ

Trevor — Tue, 28 Apr 2009 13:44:39 +0000

[-l-]Ġabra ta’ Novelli

“Il-kitba hi frott ta’ deliberazzjoni, ta’ kalkolu, ta’ tirqim u reviżjoni, anki jekk b’element ta’ sogru meqjus.
In-novelli ta’ Żahra huma strambi għax iħalltu l-meraviljuż mal-mundan, iħalltu ċ-ċajt mas-serjetà, iħalltu l-emozzjoni mar-riflessjoni.
Żahra jaf jiddisturba daqskemm jiddeverti.
Żahra jaf id-differenza bejn popolarità’ u popoliżmu, bejn intelliġenza u intellettwaliżmu, bejn sentiment u sentimentaliżmu.”
Mario Cassar

[-l-]FIRST PRIZE Narrative Category Literary Award 2001

LUBIEN

Trevor — Tue, 28 Apr 2009 13:42:22 +0000

[-l-]Ġabra ta’ novelli

“Trevor Żahra jinħass fl-aqwa tiegħu mill-ġdid, b’kitba konsistenti f’dik li hi stilistika, qawwija u maħsuba f’dik li hi teknika narrattiva, ċerta minnha nnifisha f’dik li hi koncezzjoni ta’ kollox…
Għal Żahra kull storja hi għamla ta’ esperjenza ġdida li fiha jista’ jdaħħal il-motivi insistenti tat-tematika tiegħu: ir-relazzjoni ċerta daqskemm ambigwa ta’ l-individwi, it-tiftixa ta’ l-identità, ir-rabta intima ma’ l-ambjent, il-ħtieġa ta’ l-espressjoni personali, l-għarfien tal-kuntest storiku-kulturali partikulari, il-ħerqa biex jingħarfu ċerti valuri fundamentali, u fuq kollox ix-xewqa li kull esperjenza tingħaraf fl-awtentiċità tagħha.”
Oliver Friggieri

[-l-]Winner of the Silver Medal 1997 Literary Award

MINN WARA Ż-ŻIPP

Trevor — Tue, 28 Apr 2009 13:39:07 +0000

Fit-Teatru Manoel
28, 29, 30 ta’ Marzu 2008

UNIFAUN THEATRE PRODUCTIONS

Kitba: Trevor Żahra
Atturi: Snits, Renato Dimech, Jean-Pierre Busuttil
Produzzjoni: Adrian Buckle, Sarah Buckle
Direzzjoni: Chris Gatt
Stage Management: Stefan Scerri, David Micallef
Developments: Pia Zammit
Promozzjoni: Coryse Borg, Trevor Żahra, Adrian Buckle
Book: Josette Cassar
Fotografija: Joseph A. Borg
Disinn Grafiku: manifest-by-design.com